JAKÁJKUKUERI

KÚNKUARHIKUECHA KA MÍNDANTSKUERI JURÁMUKATA.

 

 

MA ARHIKATA

 

K’ÉRATI ARHIKUECHA           

Arhikua 1. Ari jurámukata, enka imani eratsikuani jimpo jupítsikuarhika eska orhetatki jarhárperaskaksï jurámuntikua ka jakájkukueri p’íntakurhikuaecha, ka mamaru jasï sésikua jakájkuaecheri jimpo, erójtatarakuaesti  Constitución Política de los Estados Unidos Mexicanos” anapu arhikuaecheri, jakájkukueri kúnkuarhikua, tánkuarhikua, p’íntakuarhikua ka míntantskuaecheri. Arini jurámukatechani iámentuecha janhánhariauati ini irétsikuarhu.

 

Jakájkukuecha jimpo no arhikuekasïnti eska jurámuntikuarhu anapu jurámukatecha nómentu janhánharhinhaaka. No nema úati jakájkukuani pínharhini ka no uni ampe enka p’itaranchajka ka k’uaninchajka eska na jurámukatecharhu arhijka.

 

Arhikua 2.- Méxiku anapu jurámuntikua uaxastasïnti sési jimpo íntsaani mántani k’uiripuni jurhímpikua ka sésikua enka jakajkukuarhuksï p’itarajka:

 

a)     Imani jakájkukuani kámani o p’irani enka sántaru tsitiaka ka niátani, jantiaajku o kúnkuarhiparini, jakájkukueri míntantskuaechani enka imá sántaru jeiapanhiantauaka.

 

b)     No ma jakájkukua kámani; ka no ma míntantskua niátani, ka nojtu jakájkukueri kúnkuarhikuarhu ma kúparhakuni.

 

c)     No ikímchanhani, k’atanhani o no sesi kánhani imaeri jakájkukuani jimpo, ka nojtu uantáranhani ampe enka jakájkujka.

 

No uáti jakájkukua ampe pínharhiparini nemá kuájkutanhani, ánchikurhini o úni ampe, jiméjkanku enka arí jurámukata ka máteruecha isϊ p’itaraaka.

 

d)     No uinhápikua jimpo ánchitanhani, nojtu tumina o urakua ampe euanhani enka jimpo jakájkukueri kúnkurhikuani, p’íntakurhikuani o mataru jasï tánkurhikuani marhoauaka jupítsitarani, ka nojtu míntantskuecharhu jarhoajpini jamani.

 

e)     No k’amánharitanhantani jurámukata uantari o jurámukuarhu anapuechani jimpo enka nema jakájkukueri ampe uantaaka; ka,

 

f)       Sési jasï jimpo kúnkuarhini o tánkuarhini jakájkukueri ampe niátani.

 

DESCARGAR VERSION COMPLETA PDF